Pjesëtarët e fisit dekorojnë shtëpitë me kafkat e gjahut, përdorin lëvoret e degëve si rrobe (Foto)

Imazhe të publikuara tregojnë nga afër jetën e përditshme të pjesëtarëve të fisit që jeton në malin Mentawi në Indonezi, të cilët dekorojnë shtëpitë me kafkat e gjahut, ndërsa mbulojnë trupin në vend të rrobave me lëvore degësh dhe gjethe.

Ata nuk e kanë ndryshuar mënyrën qindra vjeçare të jetës as sot e kësaj dite, duke qëndruar larg zhvillimeve moderne.

Fotografi Denan Wahyu Sumirat, ka udhëtuar në thellësi të malit që ndodhet rreth 150 kilometra larg provincës West Sumatra, për të dokumentuar jetën e 64 mijë banorëve që e përbëjnë fisin.

Popullata gjysmë nomade, gjuajnë kafshë dhe peshq me shigjeta të helmuara, ndërsa jetojnë në shtëpi prej bambusi të quajtura Umas.

Sipas tyre, çdo gjë e gjallë ka shpirt dhe i luten natyrës, veçanërisht lumit. Dëmtimi apo ndotja e burimeve të ujit, sipas tyre është mëkati më i madh që mund të bëhet.

Rutina tyre e përditshme, zakonisht kalohet për gjueti dhe peshkim, ndërsa kjo është e ndarë në bazë të gjinisë. Derisa burrat shkojnë për të gjuajtur kafshë, gratë kujdesen të zënë peshq.

Ata jetojnë në grupe prej 60 deri në 80 anëtarë, ndërsa secili ka një detyrë për të bërë. Fëmijët prej pesë deri në dhjetëvjeçar, merren me drunjtë e bambusë, ndërsa pas kësaj moshe nisin t’i helmojnë shigjetat dhe dalin për gjah.

Pas një dite të lodhshme, të gjithë mblidhen në mbrëmje dhe luten, për të vazhduar me vallëzimin në formë transi që e duan shumë, që e praktikojnë për çlirim dhe pushim mendor.

Shpërndaje këtë artikull:

Komento dhe bëhu pjesë e diskutimit

Powered by themekiller.com